"Helburuak zelan lortu" ikastaroa online

Astion, eta etxetik online, Googlek emon dauan ikastaro baten parte hartu dot. Google Analytics erramintarekin gure webgunerako zehaztu doguzan helburuak zelan neurtu azaltzeko ikastaroa izan da. Ordubetean egin genduan. Ikastaroko aurkezpena helbide elektronikoan jaso dot gaur:





Hurrengo ikastaroa, datorren martiaren 28rako iragarri dabe, eguerdiko 12:00etan. Norbere enpresa Google+ sarean zelan sartu erakutsiko dabe. Ikastaroan erregistratzeko hau da loturea.

Erdibide barria, klik egiteko B aukera

Google Analytics klaserako ariketa barria da. Beheko geziak be eskertza orrira eroango zaitu.

BERAZ...

Egin klik geziaren gainean.

Ongietorri: lagunduko deustazu ariketa bat egiten?

Aupa!
Google Analytics ikastaroan ariketa bat egiteko eskatu deuskue, eta hemen nago zuen laguntza eskatzen. Azkeneraino zenbat heltzen zarien ikustea da kontua. Beraz, ... aspertu arte ekin eta egin klik bildura barik.

Erdibidean, klik egin

Formulario bat jarri beharko neuke hemen. Baina ez dot oraindik asmatu hori egiten... ez behintzat beteko zeunkien bat.

BERAZ...

Geziari jarraitu:

Eskerrik asko, zure laguntzagatik

Zorionak eta eskerrik asko!
Google Analytics ikastaroan erabilgarri izango dot zuk egindakoa.

Analisirako oinarrizko adierazleak

Edozein proiektuk HELBURU bat izan behar du, neurtu daitekeena, eta horretarako ADIERAZLE (KPI) batzuk definituko ditugu eta horiei esker DATUAK eskuratu.

Edozer aztertu behar dugunean garrantzitsua da, eskuartean darabilgun proiektuak dituen helburuak aintzat hartzea eta gero kontuan hartu beharreko adierazleak zehaztea; hau da KPI-ak (Key Performance Indicators). Google Analytics erramintak honako oinarrizko adierazleak ditu:

Ikusitako Orriak (pageview): Erabiltzaile baten nabigatzaileak orri bat kargatzen den bakoitzeko. F5 teklarekin orria freskatzen dugun bakoitzean, orri bat ikusiko dugu. Erabiltzaile baten bisita bakarrean hainbat orri ikusi ahal izango dira.

Bisita (visit): Nabigatzaile berean erabiltzaileak webgunean daukan jarduna. Bisita barria izango da: 30 minutu pasatutakoan, gauerditik aurrera, kanpaina berrian.

Bisitaria (visitor): nabigatzaile bardinarekin eta ordenadoren berdinetan webgune bat bisitatzen badugu, 2 urtean zehar, bisitari bardina izango gara. Ze bisita cookie-ak epe horretan gordetzen dira. Cookie-ak nabigatzailearenak izaten dira.

Ikusitako orri bakarrak (unique pageviews): denbora jakin batean ikusi diren orri guztiak, kontuan hartuta bisitari guztien bisita guztiak.

Orriak/bisitako (pages/visit): bataz bestekoa da, bisitako ikusten diren orriak. Zatiketa baten bidez lortzen den kopurua: ikusitako orriak /izandako bisitak.

Google analytics kontua zelan sortu

Ezinbestekoa izango da, google kontu bat izatea. Ez nahastu baina, ze google kontua eta google analytics kontua ez da gauza bardina. Google kontu bat beharko dogu GA saioa hasteko eta gero, GA saioaren barruan nahi beste kontu izan ditzakegu kudeatzeko.

Behin googlen kontua daukazunean google analytics orrira jo: http://www.google.com/analytics/
eta sartu.

Orain lanean hasteko, kontu bat sortu behar da google analytics-en.

Analytics kontua marka, enpresa edota bezero baten webguneari lotuta egongo da.
Kontua da lehenengo maila jerarkikoa, gero profilak. (Kontu eta  profilen arteko ezberdintasunak eta bakoitzaren administrazioa zelan egin, Hello Google blogetik dakart hona)

Kontua berria sortzerakoan egin beharrekoak:

1. Izen bat emon kontuari
2. Webgunearen urla zehaztu
3. Aztergaia den webgunearen ordu-zona zehaztu
4. Datuak googlerekin konpartitu nahi diren edo ez zehaztu eta baiezkoa bada, nolan konpartituko diren adierazi.
5. Eta erabiltzaile baldintzak onartu

Kontua sortutakoan Jarraipena egiteko kodea sortzen du GA-k (GATC). Html lengoian dagoen javascript kode hori, aztertu nahi dugun web orrian itsatsi behar dugu, webguneko orri bakoitzean. Nun itsatsi?  Gomendatzen dena hauxe: HEAD etiketa itxi aurretik.

GOOGLE ANALYTICS – Hasteko lau ideia nagusi

Urte barriagaz batera Google Analytics ziurtagiria lortzeko bidean ikastaroa hasi dot Eutokian. Irakasle Iñaki Gorostiza (@hello_google) eta Asier Barainka (@abarainka) izango doguz.  Blog honetan, zapatutik zapatura ikasitakoaren laburpena egiten ahaleginduko naz.

Lehenengo ikasgaia

• Ia zeregin guztietan lez, helburua definitzea edo hobeto esanda, helburu neurgarria definitzea, izan behar da egin beharreko lehenengo gauzetako bat.
• Garrantzitsua da horretarako, aztergaia daukaguna eta bere ingurua ondo ezagutzea.

Kuriositatea
Gif gardenak jasotzen ditu google-k gure webgunetik eta hor bidaltzen zaio aztertu beharreko informazioa. Horretarako jarraipen kodea sortu behar da eta kode horri esker eratuko dira gif gardenak. Gaur egun kode asinkronoa erabilten da; web orriaren funtzionamendua jarraipen kodetik independientea da.

Kodez kode

• GA-k (Google Analytics) jarraipen kodea (javascript) derrigorra dauka, webgunearen orri guztiek izan behar dute.
• Googlen diru-iturri nagusia gure informazioa da. Baina ez du norbanakoaren informazioa gordetzen (izen-abizen, adin, bizileku, ... etabarra). Bisitak dira aztergai.
• Cookiak ezabatu edo blokeatuta, bisita bakarrik hartzen da aintzat.
• Javascript kodea blokeatzen bada, GA ez du ezer aztertuko.
• Katxeatuta webgunera badoa, bardin da, kodeak bardin bidaliko du informazioa
• Javascript-ak errorea itzultzen badu webgunea kargatzean, bisita ez da aintzat hartuko.

Aztergaia

• Balore absolutoak ez dira aztertzen, tendentziak baino. Informazioaren %100 ez du bermatzen GA-k.
• GA-k ez ditu enpresaren datuak konpartitzen, baimendu ezkero webgunearen publikoarenak bakarrik alkarbanatzen ditu.